Wednesday, October 23, 2013

تعالي اعلمك كيف تجهزين ملابس الليل يا احلى عروس

السلام عليكم

لاحظت ان اغلب العرايس متواهقيين بخصوص قمصان النوم والبيجامات


و دايما يسالوا وشنو يحتاجون وشنو ما يحتاجون


شوفي يا قلبي انتي و هي


اولا واهم شي قميص النوم حق اول ليله يكون ابيض او اوف وايت او سكري ...


ثانيا طقم حلو وراقي سليب مع ستيان يكون نفس لون القميص اذا كان دانتيل اخذي دانتيل واذا كان حرير اخذي حرير وطبعا ارد واقول يابنات اخذو سليب مو بوخيط حلو انه العروسه تكون مؤدبه من اول ليله وهالشي راح يعطي انطباع حق ريلج انج خجوله وحياويه وتستحين حتى منه . ..


ثالثا لمن تخلصين كل شي وتبين تنامين تروحين تبدلين هدومج وتلبسين بيجامه حرير راقيه يكون لونها همن ابيض او اوف وايت او بيج بس مو بيجامه جم طويل لا اللي تكون بنطلون مع بدي علاقتلبسينها في حال صار شي في الليله الموعوده اذا ماصار شي نامي بقميصج

ليش ركزت انج تنامين ببيجامه اذا صار شي اولا انظفلج وادفى ومايحوشج هوا


ثاني يوم اذا قعدتي ياعروستنا تروحين تاخذين احلى شور تلبسين طقم حلو ستيان واندر وير وتلبسين فستان طويل لونه همن ابيض او اوف وايت لانج عروسه وحلات ريلج يشوفج ثاني يوم جنج اميره بفستان راقي باي خامه رقيقه تحبيها دانتيل او حرير او شيفون طبعا لاتنسين النعال اوف وايت مع ريش يهبلون بالريل وتلاقونهم بمحلات قمصان النوم تروحين تقعدين مؤدبه وخوش بنوته وتتريقين معاه وانتي لابسه هالنفنوف اذا خلصتي تروحين بكل ثقل وادب تبدلين هدومج عشان تروحين للصالون وطلعي معاه باحلى بدله واحلى عبايه مو تقولين كله صالون وطلعين جنج مو عروس لا حطي حيلج كله تضبطي وتسنعي وحطي ميك اب خفيف ومو عيب عدسات بعد


ملاحظه يابنات اخذو صندل اول يوم لونها نفس لون القميص ولبسوها مع الابيض والاوف وايت والسكري ليش لانه الرياييل مايلاحظون انه الدرجه نفسها ولا لا مجرد ماتحطين صبغ اظافر وريل على ريل ينثول ومايركز


لحد الحين شريتي قميصين نوم واهم الاساسيات ...


الحين يبيلج حق ثالت ورابع وخامس وسادس وسابع يوم قميص طويل بعد مو شرط يكون طويل طويل لا يعني مره ميدي مره لي نص الساق مره تحت الركبه راح تلبسينهم اول اسبوع واذا بتلبسين قصير قصير فوق الركبه بالضبط نصيحه من اخت لاتخلينه يشوف كل شي من اول اسبوع عطيه بالقطاره عشان يتشوق ويتعلق فيج اكثر


راح تمر عليج ايام تلبسين باليوم الواحد قميصين واحد الظهر وواحد بليل ...


الحين ثاني اسبوع لبسي قميص يكون مفصخ شويه بس مو قطعتين ولا بيبي دول يعني البطن طالع كل الظهر طالع فتحه عالفخوذ بحيث انج اذا قعتي كل شي يطلع وهالله هالله بالاندر وير السنع خخخخخخخخخ


لبسي اول يوم بالاسبوع الثاني مفصخ ثاني يوم نفس الشي ثالت يوم غطي لبسي واحد مستور رابع يوم تفصخي خامس يوم تستري سادس يوم نفس الشي تفصخي طبعا انا شرحت لكم مستوى التفصخ عاد من ثالث اسبوع خلاص طلعي قمصانج الدلوعه ولقصيره وايد ودلعي بوالشباب لانه راح يكون خذا فكره كافيه ووافيه انه مرته مؤدبه وتستحي وانه اهو بذكائه خلاها شوي شويه تشيل المستحى وتصير عادي معاه مساكين مايدرون انه تمثيل في تمثيل


يعني نقول اجمالي القمصان يوصل الى 22 قميص لايزيدون عن هالعدد لانج بعدين راح تروحين تشترين معاه وترا السوق مو طاير


الحين نعال قمصان النوم تشترين هالاشياء بس


في صنادل تييلج شفافه من فوق بس يكون الكعب لونه سلفر او ذهبي هالنوع راح يفيدج وايد مع كل القمصان اخذي واحد لونه اسود ريش وواحد لونه ابيض او اوف وايت اكتفي بواحد مو تقولين مايلوق عن لخبال


-صندل ابيض

-صندل اسود

- استغلي صنادلك الناعمه حق الاستقبالات وكذه بتلبسيها مع القمصان الكشخه ...


كمان بتحتاجين بيجامه حرير كم طول

بيجامه كم طويل شيفون او دانتيل او مشجره

مع البيجامه حق اول يوم تذكرونها بس كافي


اخذي 3 اطقم شورتات حرير حق النوم بليل لانه بعض القمصان تضايق وماتقدرين تنامين فيها


اخذي 3 اطقم شورتات قطنيه


اخذي فساتين حق الشقه اللي تكون شيفونات وحراير 4 ويكونون ستايلات مختلفه لازم يابنات اول اسبوع تلبسون هالفساتين لانه متزوج انثى ويبي يحس بانوثتها مو كله بيجامات ويكونون طوال الى ميدي


البيجامات القطنيه اربعه كافيين


و سلامتكم


دعواتكم لي و لوالدي بالفردوس الاعلى






via منتديات كويتيات النسائية http://www.q8yat.com/t1148950.html

No comments:

Post a Comment