موضوعي لكل وحده تحمل طبيعي .. وغصب تبي توئم !

السلام عليكم ورحمة الله وبركاته

موضوعي موجه للبنات اللي يحلمون بالتوائم وهم يحملون طبيعي وسليمه ماتحتاج ادويه

بس تاخذ المنشطات والابر عشان غصب تحمل بتوئم

صدقوني لو الموضوع فيه خيره لنا ماكان ربي حرمنا منه ،، والله ارحم وادرى بعباده

والايات تقول بما معناه (( لايكلف الله نفسا الا بوسعها ))

والله يابنات السالفه مو بهالسهاله

يقول المثل اسال مجرب ولاتسال طبيب

انا كنت سليمه واحمل طبيعي الحمدالله

بس الطمع شين

رحت خذيت كلوميد فبنتي وبمتابعة دكتوره وجبت بنت وحده مع اني سليمه

ومن بعدها وانا اعاااااني من التكيسات مبايضي مترووووسه تكيسات ووصف الدكتوره لها تقول مثل خلية النحل !!

متخيلين الوضع ؟؟

وبعدها صار معاي حمل كاذب وهذي من الاثار الجانبيه للمنشطات واللي يقول غير هالحجي جذاب ومايخاف الله

وصار معاي اجهاض ونزيييف بغيت اموت منه والله العظيم ومن بعدها وانا فيني فقر دم حاد

والحين لي ثلاث سنين اعالج ابي الحمل مافيه نتيجه والحمدالله على كل حال

بس هذي غلطتي

ادوية الهرمونات مولعبه يابنات

واللي تحتاج علاج هي بس اللي تاخذ الكلوميد والابر

بس السليمه حرام تجازف وتخرب كل شي مثلي

وانا اعيد وازيد بهالكلام بكل موضوع عن التوئم بس بنصح مابي احد يمر بوضعي

الحين قاعده اخذ ابر منشطه وكلوميد ومتنت وتعبت ووجهي حبوب وشعري يطيح

ومع هذا ماحصل حمل الحمدالله على كل حال

والحين موقفه كل شي خلاص تعبت نفسيا من الابر يوميا والسونار الداخلي كل جم يوم والحبوب والامال اللي تحطم بالواقع

لما احلل ومايطلع فيه حمل !!!

وابي ارتاح ومتى ماربي كتب لي الضنا بيرزقني

وبس .

التعديل الأخير تم بواسطة مــتــنــحــة ; اليوم الساعة 10:20:51 AM.

via منتديات كويتيات النسائية http://www.q8yat.com/t1148131.html