ودي ابدأ بمشروع على النت , عندكم أفكار ؟

السلام عليكم ورحمة الله

بنات أنا وحده فاضية لا شغل ولا مشغله ووقت فراغي طويل

فكرت أسوي لي مشروع عن طريق النت لأن ما أقدر اتواصل خارجياً او أسلم يد بيد او تجارة

فكانت فكرتي . ..

أني أسوي بحوث وتقارير لطلبة والطالبات وأسلمها لهم عن طريق النت والأيميل

أو اني أترجم بحكم خبرتي بالترجمة بمقابل مادي( ترجمة أفلام وثائقية ,دراما )

أو أني أصمم فيديوهات وثيمات للأعراس

مثل ما انتم شايفين عندي مواهب كثير ووصلت لدرجة الاحتراف فحاسه بملل فودي أسويها مشروع

شنو المشكلة ؟

شلون طريقة الدفع ؟

عندكم أفكار لمشاريع ثانيه ؟

فكرت الدفع يكون بأني اعطيهم حسابي بالبنك لأني مابي أي تواصل خارج النت يعني شغلي يكون بالنت

سوري كلامي مخربط لأن مو عارفه طريقة الدفع ولا أي مشروع أسوي وأي واحد بيكون مربح

يا لت اللي عندها أي أفكار تتفضل

via منتديات كويتيات النسائية http://www.q8yat.com/t1148338.html