الشاعر سالم الفراع ، يمه عسى ماشر شفتك تونين

السلام عليكم ورحمه الله وبركاته

حبيت أنقل لكم قصيده قريتها وأعجبتني

لـ الشاعر سالم الفراع

تبوح بحب منقطع النظير لـ لأم ،،،

أي إنسان في هذا الوجود يستحق كل الحب والإحترام والتقدير والتعظيم ، بل أي إنسان جدير بكل التضحية والفداء ، وهناك من يستحق أن تهدر فية كل هذي التضحيات إنها ( الأم ) التي أهداها الشاعر سالم الفراع هذه الأبيات الجميلة مجسداً فيها مشاعره وعواطفه ، فهو يفتدي أمه بكل حياته لعطائها الفياض ، وتكبدها الصعاب ، وأكد رسول الله -صلى الله عليه وسلم- على تحريم عقوقها بقوله: ((إِنَ اللهَ تعالى حرًمَ عليكم :عُقُوق الأٌمهاتِ...)).

والآن أترككم مع القصيده وأتمنى أن تحظى على إعجابكم ،،،

يمـه فـديتك من هموم الليالي

يمـه عسى ما شر شفتك تونين

يمـه خذي مالي واخذي حلالي

يفداك يايمه وأنتي تعرفين

يمه تـرى مـانسى خيالك قبالي

يمه خيالك مسكنه داخل العـين

إليا سمعت الـصوت ينسر بالي

انسى هموم الوقت وانسى الدواوين

يمه ترى الجنه معك والمعالي

يمه قدم رجلك أحطه على العين

أذكر زمان اول وانا فالدَلالي

أذكر تعبتي معي وانتي تربين

من كثرما ركض من يمين وشمالي

واتعبك ما همي سوى اللعب تدرين

وتقولي اجلس يا وليدي ومالي

وانا مع الشارع ولعب الوراعين

احيان اقول إني صغير ٍوسالي

العب مع الجهال لعب الشياطين

يوم اتذكر وش جرى في خيالي

مدري عن الأيام وشلون تمشين

يوم إني اكسر خاطرك ما ابالي

ما همني يمه صغير ومسكين

واذكر زماني يوم اشق الريالي

يوم الهلل والقرش يسوى الملايين

ياحسرتي يا وقتي اللي مضالي

يوم(ن) اشوفك طول الأيام تبكين

مدري مرض ولاهموم تصالي

مدري تعب مدري كثر ماتحسين

يمه عسى روحي وحالي ومالي

فدوه لدمعك يوم للدمع تخفين

يمه لو الأيام تشرح سؤالي

سألت أنا الأيام وينك وأنا وين

وسألت دمعك يوم بل الشيالي

دمعة تسوى كنوز السلاطين

وسألت حر الشمس وين الظلالي

وسألت قمر الليل ما نورت زين

يمه أبي منك السموحه ولا لي

مطلب سوى تعفين عني وترضين

واخذي من الدنيا ودوك العيالي

أنتي لنا الراعي وحنا رعيين

وستأذنك وقتى ترى ما صفالي

ادعي لمن ضاقت عليه الفلاتين

ادعي لمن هو بيدته الليالي

عسى زمان راح يرجع وترضين

وصلاة ربي عد رمي النبالي

على نبيٍ وضح الحق والدين

دمتم سالمين ،،،،

أختكم/ مزاجـــيه ،،،،

via منتديات كويتيات النسائية http://www.q8yat.com/t1148367.html