نفسيتي تعبانه احس اني جيكره :(

هلا إبتهال هاذي اول مشاركه لج معانا في المنتدى وماحبيتها

موكل شي يقولونه الشباب بالشارع للبنات معناته اهو الصج

ياما بنات انحرمو فعلا من نعمة الجمال الخارجي بس بقلة ادبهم تشوفين الشباب يطيرونها السما فوق

وياما بنات من احترامها وثقلها وحياها يتمادون عليها الشباب بالكلام الجارح من حر مافيهم لانها صعبة المنال

مولازم احد يغازلج عشان تعرفين مستوى جمالج

ترى حتى كوماري يتحرشون فيها بالشارع يعني المسأله ماهي واقفه على حلوه او جيكره

وما انصحج تتبرجين لشباب الشارع

واذا تبين افيدج حق مستقبلج ان الله سبحانه وتعالى كتب لج نصيب وتزوجتي على سنة الله ورسوله

بتستفيدين منها على سبيل المثال ماتعرفين تحطين ميك آب

اخذي دورة تعليم وضع الميك آب عند

mac

وحطي في بالج ترى جمال المرأه الحقيقي مو بتبرجها لكل من هب ودب بالشارع

جمالها في حشمتها وحياها وسترها

اختي حبيبتي

إلتزمي بالصلاة ولاتقولين تو الناس او هالشي ماهو موضوعنا

التزامج بصلاتج وحشمتج وسترج وتقربج من الله عز وجل وكثرة الإستغفار يوميآ

وصوم الأثنين والخميس

والتصدق بالسر للفقراء ولو بالقليل

ثقي و آمني بالله عز وجل

إنج بتحسين براحه وبتشوفين نفسج

أجمل الناس

via منتديات كويتيات النسائية http://www.q8yat.com/t1147869.html