قصــه ولادتي بـ بنتــي >> جربت كل انواع الولاده

مرحبا الســــــــــــــاع

شحالكن ربكن بخير وعافيه

بقولكن بقصه ولادتي

كانت بنص شهر سته تقريباا بنفس التاريخ الى عطتني اياه الدكتووووره

كانت اول ولاده لى

كل الى يشوفني يحسبني بعدني مطوووله لان كروشتي ماتبين

المهمممم بيوم الجمعه قمت الساعه ثمان وركضت للحمام وكل شوي احس اني ابغي اروح للحمام ماخطر ف بالى اني بربي

عقب نزل عليه ماي خفت ورحت لامي اخبرهاا قالتلي هذا شي عادي

تميت اتمشي ف البيت وع حظي الحريم متجمعات عندناااا والميلس متروس رياييل واناا شكلي غلط

دخلت عليناا حرمه وطالعتني قالتلي حلمت امج تسلم ع ولد ختيه شكلج بتربين وبتيبين ولد

ابتسمتلهاا وسكتت

تميت ساعه ساعتين لين بعد صلاه الجمعه واناا مااحس باي الم

قومت ريلي وخبرته والحبيب مب مصدق تم يحلفني ههههههههه

تميت اكل تمر واشرب ماي ومزم

من بعد الظهر زاد الالم واناا متحمله من وصلت الساعه سبع نزل عليه دم وسيده رحت للمشفي اناا وامي واختي وريلي

كشفت الدكتوره وقالت مفتوح 3 واناا خلاص تعبانه وزاد الطين بله قالتلي احتمال اعطيج طلق صناعي لان الضغط ارتفع عندي

تميت اتمشي ف ممر قسم الولاده ساعتين خلاف فحصت الدكتوره وكان مفتوح 6 قالتلي اذا ماربيتي بحطلج طلق واناا خايفه من الطلق قلتلهاا عطيني ساعتين

وزاد الطلق وتميت اهاذي واصارخ ع امي وختيه الى يالسات تسولفن هههههههههه مره اضحك ومره اصيح

دخلت النيرس وقاست الضغط وكان مرتفع اضطرووو يحطولى طلق صناعي

مووووووووت تعبت وايد كله حاطه الاكسجين مااقدر اوخره لان الطلق حااااار

تخيلووو الغرفه كلهاا نيرسات تقريباا حول العشر مع الدكتوره وقالوو ان الرحم مفتوح 10 بس الياهل مب راضي يطلع

حاولت وحاولت وشيكت الدكتوره قالت الياهل مب راضي ينزل والضغط مرتفع

قالت ماشي غير انهم يسوولى عمليه

امي عصبت عالنيرسات كيف عمليه والبنت هلكت من الطلق يعني لو من قبل خبروني جان ماسولى طلق يعني تعب ف تعب

تميت اصيح اقول خلاص ابغي عمليه ماقدر

سيده ودوني لغرفه العمليات واخويه توه داخل عليه ومن شافني موديني لغرفه العمليات دمعن عيوووونه

دخلوني لغرفه العمليات الساعه 2 الفير تمت الدكتوره تحاول فيني اني اربي طبيعي بس راس الياهل مانزل فاضطروو يعطوني بنج كامل

قمت الساعه خمس واشوف الممرضه ع راسي والدكتور يقولى يالله قومي خلاص طلعناا البيبي

تميت اصيح اقولهم مااقدر اتنفس

تموو يحطوووولى الاكسجين وما شي فايده واصيح هاتوو امي

دخللووو ريلي وخويه ومن شفتهم قلتلهم نادووو امي واصيح اقولهم مااقدر اتنفس

وفجاه ياتني كحه << من قوتهاا احس العمليه بتتبطل

تميت للساعه سبع تحت الملاحظه والدكتور ع راسي لان الضغط كان وايد مرتفع وكل شوي يدخل عليه الدكاتره وعينهم عالضغظ الى مب راضي ينزل

تخيلووو بذيك اللحظه تذكرت بنتي قلتلهم وين بنتي جان تركض النيرس وراحت للحظانه وصورت بنتي ورتني صورتهااا فديتهاا نسيت التعب من شفتهاا

وتمووو يكلموووني يحاولون ان الضغط ينزل بس مانزل فاضطروو يدخلوني العنايه

دخلت العنايه ومسكرين الليتات وهدوء وطردوو ريلي وخويه واختي حتي امي بس اخر شي دخلوهاا

تميت لين العصر عقب طلعوني ودوني قسم الولاده وتمن النيرسات عندي

تخيلوو بس تقرب مني النيرس يرتفع الضغط هههههههههههههه تقولى تخافين مني اقولهاا لا

اليوم الثاني زاروني خواتي بس النيرس طردتهم عسبت الضغط مايرتفع

تميت ف قسم الولاده يومين عقب نزلوووني ف العنبر وخلووني اتحرك

بس الحمدلله ماكنت احس بالعمليه

اليوم الثاني رحت للحضانه اشوف بنتي وع اليوم الى بعدهاا عطوني اياهااا

ترقدت خمس ايام ف المشفي لاعت جبدي اصيح طلعووووني بس ماطاعووو

تقولى ختيه شرايج ف الولاده

قلتلهاا تعب جربت الطلق العادي والطلق الصناعي والعمليه قالتلي عسب مره ثانيه من تحملين تختارين هههههههههههههههههههه

والحين بنتي عمرهاا اربع شهور واسبوع ويقولى ريلي يالله حملي هههههههه

via منتديات كويتيات النسائية http://www.q8yat.com/t1148703.html