تعبت من صدمات الصديقات

بسم الله الرحمن الرحيم

مادري شقول وشخلي من صدماتي بالصديقات

كنا ثلاث صديقات مافي مثلنا حتى الخوات مو مثل حبنا البعض

الغزو الغاشم الله لا يعيد ايامه ماقدر يفرقنا كنا مع بعض كل مراحل الدراسيه

الابتدائي ومتوسط وصلنا الثانويه وفترقنا بسبب التخصص

وحده دشت أدبي وأنا وصديقتي الثانيه دشينا معهد ديني

وللاسف منيه بدأت تتضح حقيقة كل وحده فينا

الي دشت ادبي تخرجت وكملت بالتجاري وللاسف افسدت اخلاقها

الله يستر عليها حتى يوم نصحناها قالت مو عاجبكم اخلاقي فرقاكم عيد

وفترقنا وضليت انا وصديقتي الثانيه سنين مع بعض وتزوجنا

اهي الله وفقها وانا تعثر زواجي وتطلقت

وللاسف طلاقي كشف مدي ضعف صدقتنا

أول زياره لي ببيتها قالتلي بكل صراحه فلانه لا تزعلين من كلامي

لا تزوريني ببيتي اذا تبين تزوريني تعاليلي ببيت اهلي

ولما سالتها عن السبب قالتلي صراحه خايفه زوجي يحط عينه عليج خصوصاً انا حيل مدحتج له وصاير يسال عنج واجد بعد طلاقج

قلت لها انتي ناسيه زوجج اهو صديق طليقي يعني مستحيل يفكر بطليقة رفيجه ولما يسال عن احوالي لان طلاقي موضوع جديد والكل يسال وهم الكل يبي يعرف نرجع البعض وشنو سبب انفصالنا

المهم اخذت على خاطري ولا دقيت عليها. وهي جنها تتمنى اني اصد عنها ومن يوم ذاك اليوم وهي مارفعت السماعه وسالت عني خصوصاً احنا جيران بيتهم بالحاره الثانيه

بعد كل هالسنين جاني اتصال منها قبل عرسي بيوم الاخت اعرفت اني تزوجت وجايه ترد صدقتنا

ماقدرت اتقبلها بعد كل الي صار

وأنا الحين وحيده مو قادره اكون صداقات

via منتديات كويتيات النسائية http://www.q8yat.com/t1149127.html